الاثنين، 3 مايو 2010

الجزء الرابع من يوميات راكب ميكروباص

.........ما أن توارت سيارة المأمور عن نظري حتى انطلقت مسرعا إلى شقتي
وضعت يدي على جرس الباب .. كمن أراح راحلته بعد طول سفر وعناء..جاءني صوت زوجتي من وراء الباب كمدفع غاضب سريع الطلقات ... حاضر ...حاضر ... بنى ادم معندوش دم ....أصبر أنت بترن على أطرش.....فتحت الباب وما أن رأتني حتى طوقتني بذراعيها .. وهى ترسل دفعه جديدة من ذخيرة مدفعها السعيد .. مبروك .. مبرووووووك يا حبيبي .يا حبيبي . يا رافع راسي .. ونسيت أنني ذلك الشخص عديم الدم الذي أزعجها منذ ثواني بجرس الباب
... أفلت رأسي من يديها .. تركتها وتوجهت إلى حجرتي ... أغلقت باب الحجرة من الداخل ... لم ألقى بالا لندائها المتلون بكل الألوان .. فقد بدأ بالاستمالة .. أفتح يا حبيبي .أفتح بقى د أنا الفرحة مش سيعانى من ساعة ما سمعت الخبر .. أفتح بقى بلاش تقل من أولها ..وانتهت .. يوه ... أفتح بلاش تعفرتنى ... ما عنك ما فتحت راجل نكدي مش وش نعمه غاوي نكد
... أخيرا رحلت و تركتن فريسة جريحة لآلاف الأسئلة .. ترها عل حق ؟؟
.. أغمضت عيني .. لا أدرى إلى متى أغمضتها .. جائنى صوت زوجتي من خارج الغرفة متحفزا .. أفتح يا حج في ناس عيزينك ثم أختفي الصوت.. نهضت مسرعا .. وتوجهت كسهم رمى به رامي صوب الحمام .. ألقيت برأسي أسفل حنفية الماء .. بعد أن هندمت نفسي .. توجهت إلى غرفه الصالون وأن أتوقع وجود مأمور القسم وبعض أعضاء المجلس .. فقد أخبرني بأنه سيأتنى ليلا حتى أقابلهم ... خاب ظني لم يكن هو ولا هم .. أنهم مجموعه من أهل الحي والأحياء المجاورة .. أصابني الفزع حين رأيتهم ملئوا جنا بات الشقة ودرج السلم .. فهذا المشهد لم أشاهده منذ وفات والدي رحمه الله منذ أكثر من خمسه عشر سنه ....!!!!جمعت شتات نفس .. ورويت جفاف حلق بشربه ماء .. فتلعثم لسان قائلا .. خير ... خير يا جماعه .... قصدي يا ألف مليون مرحب يا رجاله
... الله يرحب بك يا حاج .. جاء الصوت من وسط الغرفة كله هبه ووقار أنه الشيخ نجم الدين أمام المسجد الكبير وصاحب كلمه مسموعة بين أهل المدينة كلها ... تعثرت قدمي أكثر من مرة بالكتل البشرية المتراصة على أرضيه الشقة حتى وصلت أليه .. سلمت عليه بما هو أهله .. تخلى احد الجلوس بجواره عن مكانه وتركه ليّ .. ربت الشيخ على كتفي وقال ..
... أحنا عرفين أن في اجتماع الليلة بمقر الحزب .. صوت جديد لا ادري من اتجاه صدر ... رد عليه الشيخ
... أصبر يا أبو حسين .. أحنا هنوضح للحاج كل حاجه . وأن شاء الله لن يخذلنا فهو منا و يعلم ما نحن فيه..
... وأن أربت على كتف الشيخ .. أنا تحت أمرك يا مولنا أنا كلى ملك لأهل الدائرة وخادمهم .. أثنى علىّ الشيخ ثم قال
ده الحاج أبو حسين .. وده الحاج محروس .. وده الأستاذ صلاح ..وده المعلم ممدوح..وده بقى الواد فلفل ... أسمعهم أنت بنفسك وشوف هتعمل لهم أيه .. أتكلم يا حاج أبو حسين وأختصر ..
... أيوه يا مولنا هتكلم .. الاول ألف مبروك يا حاج وربنا يعلى مركبك كمان وكمان
.. من كآم يوم أبنى حسين ومرآته راحوا المستشفى العام عشان يكشف عليها أصلها كانت حامل و كانت تعبانه شويه.. ملقاش حد في الاستقبال ..قعد الواد يهلل ويصرخ .. معظور يا ناس مرآته واللي في بطنها أول فرحته .. لا حس ولا خبر ومراته .. صرخة فوق وصرخة تحت .. كل ده ومفيش حد معبره .. فين وفين لم ظهرت ممرضه صرخ في وشها .. فين الدكتور اللي هنا .. ردت عليه بمنتهى قلت الحيا .. أنت بتزعق كده ليه هي كانت عزبة أبوك مفيش حد هنا كلهم بيتفرجوا على متش الأهلي والزمالك .. رد عليه والنار بتآكل فيه .. متش ومراتى اللي بتموت أروح بيها فين ... كلنا هنموت ..أتفضل روح بيها مكان ما أنت عايز وسبته ومشيت .. ما كان منه غير أنه ... من غلبه وحرقة قلبه والله يا عم الحاج رزع باب الاستقبال راح زجاج الباب مكسور .. وخد مرآته وجرى على عيادة الدكتور ..مفيش ربع ساعة اللي وجيه البوكس وخده من غير ما يطمئن على مرآته ..ومن ساعتها وهو مرمى في الحبس مع المجرمين ومرآته سقطت وبين الحياة والموت بسب متش كوره ودكتور معندوش.. لم يكمل أبو حسين كلامه فقد أحتبس صوته من شده نحيبه وبكائه على أبنه ومرات أبنه وحفيدة ..
.. نظرت إلى الحاج محروس وأنا أمسح دموعي التي غلبتني وفرت من محبس جفوني .. وقلت له ... وأنت يا حاج محروس أيه حكايتك
... أنا يا عم الحاج حكايتي تتلخص في أن الواد صابر اللي شغال عندي في القهوة
متعود كل يوم يرش المياه ساعة العصارى أمام القهوة . أمبارح وهو ببرش المياه جت على واحد بيه ماشى في الشارع .. على طول الواد صابر جرى عليه وحب على راسه ومسح له المياه لكن البيه معجبوش أنى الواد صابر يحب على راسه .. راح ضربه بالقلم على وشه ولعن اللي جابو صابر وأبو صابر ..راح الواد صابر ضربه بالبوكس في وشه ..بس يا عم الحاج لقينا البيه بيتنطط ويجعر أنت بتمد أيدك على يا حيوان يا أبن الحيوان أنا هاخرب بيتك وبيت اللي جبوك أنت مش عارف أنا مين ..وخد بعضة ومشى وهو بسب ويلعن كل اللي يقبله . وهى ساعة زمن وجيه البوكس خد صابر .. رحنا ورآه القسم وخدنا معانا محامى وإحنا بنقول محضر صلح وهتعدى .. لكن المفاجأة .. لقينا المحامى بيقول ده معموله قضيه حيازة سلاح بدون ترخيص وقضيه أتجار في مخدرات ومحرزين معاه ربع كيلو بدرة يعنى الواد رايح في دهيه رايح في دهيه وعرفنا بعد كده أنى البيه اللي شويه المياه جهم عليه ضابط كبير في الداخلية ..ومن ساعتها وإحنا مش عرفين للواد صابر طريق .. الحل أيه يا حاج ؟؟؟؟
-- ألتفت للأستاذ صلاح وأنا أضرب كف بكف .. وأنت يا أستاذ أيه حكايتك
-- أنا أتنصب عليا في تعب عشرين سنه غربه في السعودية كل اللي كان معايا دفعته في شقه ولما جيت استلمها لقيتها متباعه لأكتر من واحد والنتيجة محاضر وقضايا و على المتضرر اللجوء إلى القضاء .. يعنى الفلوس ضاعت ومش لاقى مكان يلمني أنا وولادى ومراتى والعمر عدى وما ينفعش أبدأ من أول وجديد يعنى من الأخر أنا ضايع ومش عارف أعمل أيه .
... ضاق صدر .. لا أستطيع أن أتنفس بطريقه طبيعيه .. كل هذا الفساد والظلم وانعدام الضمير ولم أستمع سوى لثلاث حكايات فقط

( أعتذر عن الاطاله والى اللقاء في الجزء الأخير )

هناك 28 تعليقًا:

Prof9090 يقول...

منتظر الجزء الاخيرررررر على احر من الجمر

و لن اعلق الا بعده ان شاء الله

جنّي يقول...

السلام عليكم

هو الواد صابر السبب كان عمي في عنيه .. دا باين عليه مجنو .. مجنون يعني ..

ولسة هو انت لسه شفت حاجة .. البلد مليانة بلاوي يابا الحاج .. من ثلاتين سنة ولسة بيجربوا ربنا يريحهم مننا ويبعدهم عننا بفضيحة مجهر ..

تحيتي

طهر فؤادك يقول...

السلام عليكم ورحمة الله وبركاتة

اسلوبك جميل ومشوق

بارك الله فيك

ومنتظرين الجزء الاخير ان شاء الله ... ومش هقول غير ربنا يزيح عنا البلاء والهم والغم اللهم امين والمسلمين ..

أحمد الصعيدي يقول...

ما بين سلبية شعب واضطهاد حكومة ونهب ووساطة وانعدام ضمير


لا نملك الا قول

حسبنا الله ونعم الوكيل


السلام عليكم ورحمة الله

MR.PRESIDENT يقول...

في انتظار الجزء الخامس والنهاية ـ بس اسلوبك حلو قوي في العرض والتوضيح ..
خالص تحياتي

صباح الخير يقول...

الاخ العزيز( prof 9090)
شرفتنى بمرروك الكريم على مدونتى المتواضعه
تحياتى وخالص تقديرى

الشاعر الفنان أحمد فتحى فؤاد يقول...

صباح الخير

أسلوبك جميل و صياغة سهلة غاية فى السلاسة و العذوبة
مدونتك رائعة أخى العزيز

تحياتى
فى إنتظار الجزء الأخير
دمت بخير

اسماء واحلام فى وجدانى يقول...

اعتذار كبير اوى لحضرتك
لان الفترة اللى كنت متابعنى فيها انا كنت منعزل عن التدوين نهائى يعنى كنت بانشر بس يارب تساممحنى انى حتى مش قدرت اقول كده وقتها
وانا اسف بجد للى حصل ده وان شاء الله تكون معرفة خير باذن الله
احمد

صباح الخير يقول...

استاذى العزيز (جنى)

كم يسعدنى ويشرفنى مرورك على مدونتى المتواضعه .

عندك حق لسة ماشفتش اللى نفسى أشوفه

تحياتى وخالص تقديرى

حصان المرجيحة يقول...

القصص دي واقعية ؟!!!!!
انا عارف ان في من ده كتير
بس الواحد بيبقي مش متخيلها بصراحة
ربنا يعافنا و يرحمنا

صباح الخير يقول...

الاخ العزيز ( طهر فؤادك)
وعليكم السلام ورحمة الله وبركاتة

جزاك الله كل خير

وأأمن على دعائك ..ربنا يزيح عنا البلاء والهم والغم اللهم امين والمسلمين ..

تحياتى وخالص تقديرى

صباح الخير يقول...

الاخ العزيز ( أحمد الصعيدى)

وعليكم السلام ورحمة الله وبركاته

تحياتى وسعيد جدا بمرورك الدائم

صباح الخير يقول...

الاخ العزيز (MR. President)

الف شكر وأدام الله مرورك الكريم على مدونتى المتواضعة

صباح الخير يقول...

الاستاذ الفاضل /أحمد فتحى فؤاد الشاعر الفنان

أن تقرأ ماأكتب فهذا شرف لىّ

أما أن تثنى عليه فهذا شىء لا أستطيع وصفه

سعيد جدا بمرور حضرتك
خالص تقديرى

أحــوال الهـوي يقول...

انت هايل

خلتني اسرسل في القراءه و كانني منوم مغناطيسيا

تحكي الواقع بكل تفاصيله
اقراء و كان مسرح الحياة يعرض نسخة حية من اقصوصتك

انتظر بفارغ الصبر التكمله

تحياتي

كلمات من نور يقول...

وهو انت لسه شفت حاجه ..على رأي ريا وسكينه : جت رجليها ما جت رجليها (:

في انتظارك

ابو المفاصل الواصل يقول...

واكتر منكده
=========الىكل من اتخذ من خلطة الندالة والبلادة والغدر اهم هدف/
ولا يعنيه من تضرر اومن تعذب ومن ضرب اومن قذف /
\بمشاعر متبلدةوضمير ميت واىقيم جميلة مسح اوحزف /
ولا يهمه حساب اوعقاب ربانى طالما من خالفه خاف وارتجف/
\ويرىفىقذارتهوعدوانه وجرايمه احلى معزوفة قد لعب وغزف/
فيشعر بلذةونشوىكبيرة كلما كان للاخرين شديد الالم والقرف/
ويتجسس عليهم ومولع ومغرم بفضح اسرارهم وما قدعرف/
ولا يعرف ولا يهمه ان يعرف بانه عن جادة الصواب قدانحرف/
فانت وكل من على شاكلتك قد فقد كل صور واشكال الشرف/ ==

طهر فؤادك يقول...

السلام عليكم ورحمة الله وبركاتة

مشاءالله اسلوبك هايل وجميل

بارك الله فيك

وفى تقدم مستمر ان شاء الله

ومنتظرين الجزء الاخير

أريــــــــــــــــــــج يقول...

السلام عليكم ورحمة الله وبركاته


سرد جميل يحمل صورة واقع مر بخيال خصب ولغة انيقة وسلاسة

بارك الله فيك

سعيده بزيارتي مدونتك الرائعه
ارجو ان تقبل مروري المتواضع

وكل الشكر لك على الزياره الكريمه لمدونتي

تقبل جل التقدير والاحترام

افروديت يقول...

للاسف جيت متأخره لكن ملحوقه وكله في الارشيف ..ع العموم انا هنتظرالجزء الاخير..وأكيد ختامها مسك..سلام

كلام على بلاطة يقول...

يومياتك طويلة يا اسطى
تحياتى
===========
27 مايو, 2010
يا اهل السوء المسيئون جبتم منين كل هذا السوء؟؟
ولا هذا ادمان لما تتعاطوه اعصابكم تنشط وتروق!!!
كما يراه اخرون ان هذا حقهم او ما تبقى لهم من حقوق
فانتبهوا(ان البشرية اسرة واحدة والسوء عقوق)
ومن يفعله يتساوى بمن يباع ويشترى فى السوق
اما الانسان فمكرم بعقله وما له من فضل وشروق
فاشرق بالخير وامنحه للاخرين وانشره بالبوق
حتى يشفى المرضى به فالسوء مثله مثل الحروق

طوبه فضه وطوبه دهب يقول...

اسلوب السرد جميل اوى تسلم ايديك وكل سنه وانت بالف خير وصحه وسعاده

اقصوصه يقول...

رمضان كريم

وكل عام وانتم بخير :)

كلمات من نور يقول...

عيد سعيد ولازلنا في انتظار الجزء الخامس والا إيه؟

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

كلمات من نور يقول...

و أدي العيد الكبير قرب واحنا قاعدين

عيدك سعيد

الشاعر الفنان أحمد فتحى فؤاد يقول...

السلام عليكم و رحمة الله و بركاته

كل عام و انتم بخير و صحة و سعادة

بمناسبة عيد الاضحى المبارك

جمعنا الله دائما على الخير

و جعل ايامنا جميعا اعياد و فرح و خير و سعادة

تحياتى و تقديرى

Uouo Uo يقول...



thx

كشف تسربات المياة
غسيل خزانات
شركة نظافة عامة